قرا چکیلدی عالمه شهید اولوب امامیمیز
بقیعیده مزارینه اولا بیزیم سلامیمیز
فلک نواده آغلیور مَلک سماده آغلیور
نواده روح و انس و جان گلوب عزاده آغلیور
امام صادقین غمین سالوبدی یاده آغلیور
دیور بیله که تا هامی غریب ئولوب امامیمیز
---
معاویه صفت عدو یتوردی ظلمی سرحده
علی آدیلا چون هله شماتتیله کینه ده
حبیب اولاد علی غریب ائولور مدینه ده
شبیه یاس و لاله لر نئجه سولوب امامیمیز
---
گوروبدی تا که درگهین اود بورویوب یانایانا
زبانه های آتشی چکوبدی شعله هریانا
ایدوبدی ناله جان آنا، نه چکدون آی جوان آنا
شبیه فاطمه گورون نلر چکوب امامیمیز
---
نه مهلتی وروبدیلر نماز آخرین قیلا
نه قویدیلار بالالارین گئنه قوجاقینه آلا
جسارتیله چکدیلر،تا آناسین یاده سالا
چراغ عمری جوردن داها سونوب امامیمیز
---
الینده یوخ عصاسی پس بو قوجا سیدین نیه؟
عمامه سیز چکوبدیلر امامی صحن کوچیه
فاطمه نون عزیزیدی ، اولمادی بیر نفر دیه!
جور و ستم پرپر ائدیب شهید اولوب امامیمیز
---
دئدی غمیله آی آنا، شأنیمی سیندیریبدیلار
جسارتیله جوردن دیل یاراسی ویریبدیلار
سنی ویرانلار آی ننه قلبیمی یاندیربدیلار
فلک ستمله توش اولوب، سینیب گئنه تفاقیمیز
شاعر: اکبر پورآقا
هدیه به روح شهید مدافع حرم
شهید جواد الله کرم صلوات
.: Weblog Themes By Pichak :.
